اعداد خارطة طريق جديدة ,,,,,,,,,,,,,,,,,,,,

طيب دلوقتي اللي بيحصل هو ان :

,

 1- البرلمان طار

, 

2- اللجنة التأسيسية للدستور في طريقها انه تطير هي كمان والاخوان بيدافعوا دفاع مستميت عنها لكن الحقيقة بتقول ان الموضوع بمزاج العسكري وانه لو مش راضي عنها هيحلها من الصبح يعني من الاخر ليست وسيلة قوة وانما ضعف

,

 3- الاعلان الدستوري المكمل ده بيكبل مرسي في كل خطوة ومايقدرش يتحرك الا وفقا له والا هيتحكم اصلا على اي قرار له بعدم الدستورية والمحكمة الدستورية جاهزة

, 

4- ان الدستور مش هينفع يتعمل لان مفيش مجلس شعب يختار التأسيسية للدستور وبالتالي فسلطات الرئيس نفسها متحجمة وفقا للأعراف والتقاليد ومزاج العسكري خاصة في ظل وجود الاعلان الدستوري المكبل 

 ,,,,,,,,,,,,,,,,,,,,,,,,,,,,,

,,,,,,,,,,,,,,,,

إذن فالحاصل حاليا هو :

 إننا مش معانا لا سلطة تشريعية والسلطة التنفيذية متكبلة بالإعلان الدستوري المكبل والتخلص من هذا الإعلان الدستوري مش سهل خاصة إن مفيش دستور يحكم الوضع والدستور حاليا قام المجلس العسكري بالإستيلاء عليه وإنه يتعمل على مزاجه ,

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

,

الحل : 1- ماحصل هو إن الإستفتاء اللي اتعمل اتنسى خلااص واحنا نسينا عشان ذاكرتنا ضعيفة إستكمال الثورة ومسارها يبدأ من إحترام إرادة الشعب إذن فالحل هو الإرتكان على إرادة الشعب بعد توفيق ربنا طبعا أمامنا خياران : 

 ,

2- إنه إما إنه ينطعن في الإعلان الدستوري بأنه مخالف للإستفتاء وإرادة الشعب وإنه يتم المطالبة بعمل إنتخابات مجلس شعب جديدة وبعديين يقوم بإختيار التأسيسية للدستور من جديد ويبقى السبب في اللي عمل العك ده كله يتم تحميله رسميا للمجلس العسكري عشان الناس تقرف من ابو ام شكل المجلس العسكري 

 ,

3- أو أنه يتم الإتفاق على صياغة خريطة طريق جديدة نظرا لأن خريطة الطريق القديمة أثبتت فشلها ولم يتم تطبيقها كما ينبغي أو إنه حصلت مستجدات جديدة ( المهم إنها لم تعد مناسبة ) 

 ,

4- الخارطة الجديدة يقعد مرسي كده مع نفسه يصيغ اللي هو عاوزه والمجلس العسكري يصيغ اللي هو عاوزه هو كمان ويتحط ده في استفتاء جدييد ينطرح للشعب يعني مش هيكون نعم ولا هيكون : أ- اختيار أ ب- إختيار ب ج- رافض للخيارين 

 ,,,,,,,,,,,,,,,,,

ده اللي مفروض يتعمل من الآخر 

 ,,,,,,,,,,,,,,

لابد من اعادة شحن الثورة عن طريق الاستناد للشعب وارادته مرة أخرى لحسم هذا الصراع البايخ والمقرف ولو الاخوان مختلفيين مع القوى الأخرى القوى الأخرى تحط هي كمان اختيارها ويتم الإحتكام للشعب 

طبعا مش محتاج أقول إن أول حاجة في الخيارات هو إن الإعلان الدستوري المكبل ده يتلغي 

لكن نقطة اختيار لجنة الدستور ونقطة صلاحيات الرئيس ومجلس الشعب وكل ده تبقى الخيارات واضحة وصريحة ويتم حشد الشعب عليها 

إما هذا أو استكمال الثورة على طريقة حازم صلاح أبو إسماعيل ونرجع لأيام ال 18 يوم 

ولو أنا مكان مرسي أنا اللي هألغي اللجنة التأسيسية للدستور لأنها أصلا بقت نقطة ضعف مش قوة 

د/ أحمد حامد السبت 14 -7 -2012