السلام عليكم ورحمة الله
كل سنة وأنتم طيبين
وأعاد الله علينا العيد ونحن أحسن حالا وأوحد على الأقل الأمة الإسلامية كلها تعيد في يوم واحد
طبعا بقالي كتير ماكتبتش وأصلا أنا يعني مابدأتش قوي أوي عشان أبطل
بس مع أني على النت كتير
لكن عامله زي ماتكون إستعداد للكتابة وتحضر لها
وتعود برضه لسه مااتعودتش على الكتابة في مدونة وإني أكتب إيه
وإيه لأ
على الهامش كده
قعدت اضحك لما عرفت بأن العيد السنة دي موزع على 3 أيام
وافتكرت كان برنامج الشقيري عامله على رسالة
وجايب المشايخ
وكلهم قاعدين يقولوا
أمة واحدة هلال واحد
وكأنهم بيسمعوا برضه مفيش فايدة
عموما الواحد أصلا محتار بين من الصح
هل الفلك اللي بيقول ماينفعش يتشاف
واللا السعودية اللي بيقولوا شوفناه والفلك لايوثق فيه ونحن لسنا أمة حسابية
وإنما نعتمد على الرؤية
لكن في كل الأحوال
أعتقد كان الأسلم
من آراء من سمعتهم حولي
هو إننا نعلقها في رقبتهم
وكانت مصر تعلن العيد بما أن السعودية شافته
وحسابهم على ربنا
منعا للخلاف
لكن ماحدث ويحدث دوما هو نوع من الفرقة وإنعكاس لحال الأمة
اللي بيجسده حال الناس اللي مفروض هم اللي يوعظوا ويصلحوا
وهم الشيوخ
فما بين مخطيء ومتمسك برأيه
ومابين شيخ ليس بيده شيء ولكنه لم يبادر ولم يحاول أن يصلح
واكتفوا بالفتاوى الكوميدية
من نوعية واحد كان في مصر وسافر السعودية
ويصوم معاهم واللا يفطر ؟؟
وافرض صام 31 يوم
فتاوى تجعلنا نبكي على ماوصل إليه حال المسلمين
وللأسف أخطر من ذلك
أنهم لم يعودوا يشعرون بمدى ماهم عليه من السوء
واعتقدوا أن هذا الوضع هو الطبيعي
وأصبح كل همهم هو أن يديم الله هذا الوضع عليهم
كل عام وأنتم بخير
وتقبل الله منا ومنكم صالح الأعمال
No comments:
Post a Comment