كتب للتحميل من مكتبة الإسكندرية

هدية حلوة للناس هنا

كل الكتب اللي نفسكوا فيها هتلاقيها في موقع مكتبة الاسكندرية

اي خدمة

http://www.bib-alex.com/

الفوضى المقرفة

فعلا الواحد زهق من الهيصة ومن كم الغوغائية اللي بتحصل

=======

والسلفيين اللي ماشيين بطريقة غريبة

ومش عارف ايه منطقهم المغلوط ده

حتى لو كلامهم صحيح بس بغباااء وشكلهم هينزلوا خناقة في المسيحيين

ودي هتكون اغبى حاجة عملوها

و هم اصلا مالهمش لا في الطور ولا في الطحين مش عارف ايه اللي حشرهم

=========

الاخوان للأسف اكتشفت لسه من يومين اكثر صفة تميزهم طبعا كتير

منهم وموقفهم العام وليس موقف الجميع لان فيه منهم كثيير محترميين

وانا شخصيا باحترمهم جدا واحد زي البلتاجي واللا راغب السرجاني

وحازم صلاح مش عارف دلوقتي هو اييه بالظبط

طبعا لا الاخوان راضيين عنه ولا السلفيين راضيين عنه ولا حتى الثوار العلمانيين راضيين عنه

وهي دي اخرة اللي يقول الحق في البلد دي

المهم اكثر صفة تميزهم هي الكذب والخدااع للأسف

( ايكذب المؤمن ؟ قال : لا ) دي مش من عندي انا مكنتش ملاحظها

خااالص بس لقيتها صفة مشتركة في كتير من اللي بيكرهووهم

الاخوان طريقة تعاملهم سيئة مع الموقف

=========

المجلس العسكري مش عارف لا يحل ولايربط وماشي ورا المستشارين

بتوع الحزب الوطني وبيعكها اكتر ده على حسب انه كويس

وهو احتمال ضعيف للأسف

وهم

أصلا من بقايا النظام القديم ومش معتقدين إلا أن النظام القديم ده كان فيه شوية فساد هيتم تطهيرها وخلاص لكن مش مؤمنين اصلا بالتغيير وتم تمييع الموضوع ان فيه ثوار ليهم وجهة نظر وفيه شعب او فئة تانية ليها وجهة نظر تانية وده مع الوقت بيبقى صحيح لأن الثوار نفسهم بيختلفوا ولأن بيكون فيه تأثير على الرأي العام

المجلس العسكري

ساعات لما يلاقوها ضلمت كده بيرجعوا يخافوا ويقولوا مش عاوزينها

بصدق لكن لما تهدى يرجع يطمع تاني فيها

=========

الأقباط النصارى عندهم عدوانية شديدة وكل ده عشان بناء كنيسة

خلاص حبكت يعني وبرضه حاجات تانية مش عاوز اقولها

وكم الإحساس الغريب بالإضطهاد وكأنهم هم الوحيدين اللي كانوا مضطهديين وإن باقي الشعب ماكانش مضطهد

السلفيين حضرتك كانوا مضطهدين --- الإخوان كانوا مضطهدين وبيتسجنوا على الأقل المسيحي كانوا بيخافوا يقربوا ناحيته

الفقراء متبهدليين

كل فئات المجتمع متبهدلة

اشمعنى يعني دونا عن الجميع نتكلم في موضوع المسيحيين وكأنهم هم بس اللي كانوا مضطهدين وان مبارك كان قاعد لهم بالذااات

ومش في كل حاجة هم كانوا مضطهديين

المسيحيين بيقدروا يعملوا نشاطات في الكنائس المسلمين مابيعرفوش يعملوها في المساجد

لكن مش ده موضوعنا

والمهابيل اللي واقفين للاقباط نسيوا كل حاجة من الحياة الا الاقباط

ونسيوا امريكا واسرائيل والمجلس العسكري وبقت قضيتهم هي الاقبااط

قمة التخللف

وكأن الأقباط دول هم سبب كل البلاوي اللي في مصر وكأن لو الحياة اختفى منها الأقباط مصر دي هتبقى جنة

وداخلين في خناقة غريبة

=========

والاحزاب الفاسدة اللي لايهمها الا مصلحتها واي عظمة ياخدوها

وخلاااص ويطلعوا في الكاميرات الا قليلا منهم

=========

وبعد كده الشعب المغيب اللي اهم حاجة عنده هي الامن والاستقراار

وانه مش عاوز لايحارب ولا حاجة هو عاوز بس يعيش اي عيشة

والسلام

( ولتجدنهم أحرص الناس على حياة )

=========

والشعب اللي بيسمع الاعلام الحكومي ولو جاله عبد الناصر تاني مش

هيعترض ولو جاله محمد علي تاني مش هيعترض هو بس مش فارقة

معاه حاجة اهم حاجة عنده يعيش وخلاص وشوية فتافيت فلووس مش

اكتر

الخناقة بين الكبار على كعكعة البلد وبيقسموها وكل واحد عاوز ياخد له

حتة لمصلحته الشخصية مش لمصلحة الشعب والبلد

الحاجة الوحيدة اللي مطمناني ان سبب الثورة في فرنسا هو قلة الدخل

والمجاعات اللي حصلت

وده في مصر هو سبب بداية الثورة في مصر اللي بدأت اصلا من

العمال وفي نفس الوقت هو ضمان استمرارها حتى لو هدأت قليلا

لانتظار بس هيحلوها ازاي

ومش هتتحل الا بتغيير حقيقي للنظام لانها سلسلة

عشان يعمل مساواة لازم ياخد من الاغنياء ويمنع الفساد ولو عمل كده

الاغنياء والفاسدين مش هيسيبوه وهيشنوا عليه حرب وبالتالي هنوصل

لتطهير شامل

امريكا واسرائيل وحتى يمكن السعودية

بيحاولوا يحرفوا الثورة عن مسارها ويخلوهم يتلهوا في اي حاجة لحد

لما يصنعوا لهم بطل زي كمال اتاتورك كده في تركيا

رايي الشخصي انه لابد من كيان مخالف تماما وبفكر مختلف تمام عن

كل اللي بيحصل ده

الكيان ده يطلع يكتسح الجميع ويقيم دولة العدل

زي كده يوسف بن تاشفين لما عمل في ملوك الطوائف زمان